चैत में (कविता )

 

#BnmRachnaWorld

#magahi #मगही काविता N

चैत में

निमवा  के पतिया, निमन लगs हइ,चैत में।
सहजन के सहेज के रख लिह चैत में,
पीली घंटी के फुलवा
गोकर्ण के  सफेद, गुलाबी
आउर बैंगनी रंग चैत में।
गंधराज के सफेद रंग भाव हइ चैत में।
लाल पैगोडा के लाल रंग,
विरुचि के लाल, सफेद
पीला आउर गुलाबी रंग
बेला के सफेद रंग भरमाव हइ चैत में।
अमावां के टिकोरवा, इमलिया के खटतुरुष
स्वाद मन - भाव s हइ चैत में।
भोरे भिनुसरवा ,
अमवां के बगिया में,
कोयलिया के कुहू कुहू
सुतल पियवा के,
जगावs हइ चैत में।

पिपरा के पतवा  जैसन मनवा कांप हइ,
हियरा में हिलकोर उठाव हइ चैत में।

गर्मी में लू के थपेड़न से
सत्तू और अमवां के स्वाद ,
पियास मिटावs हइ चैत में।

राम भक्त  के टोली, हनुमान भक्त के बोली
रामनवमी में जोश जगावs हइ चैत में।
देवी मइया के अंचरा में
भक्त लोग के जियरा
नेह से सराबोर  ठौर पावs हइ चैत में।
नेह  से सराबोर ठौर पावs हइ चैत में।
©ब्रजेंद्रनाथ